ჩეთრულეტი

შედიხართ ჩეთრულეტზე, ავტომატურად აქტიურდება თქვენი ვებკამერა და ავტომატურად უკავშირდებით შემთხვევით შერჩეულ სხვა მომხმარებელს. ის ხედავს თქვენ კამერას, თქვენ - მისას. მსოფლიოს სხვადასხვა წერტილში მყოფი ორი ადამიანი მომენტალურად, რენდომულად ხვდება პირისპირ :)) ახლა კი ორივეს გაქვთ არჩევანი - შეგიძლიათ დაელაპარაკოთ ერთმანეთს (ხმით ან ჩეთით) ან დააჭიროთ ღილაკს Next და დაუკავშირდეთ შემდეგ ადამიანს.

საიტმა გენიალურად მოახერხა, დრომოჭმული და არახალი ელემენტებისგან - ინტერნეტი, ჩეთი, მყისიერი შეტყობინებები და ვიდეო-ზარები - შეექმნა სრულიად ახალი მიმდინარეობა სოციალურ ვებში. პროექტი სულ რამდენიმე თვეა, რაც არსებობს. თუმცა, უზარმაზარი ტემპებით იზრდება და მასზე უკვე ნიუ-იორკ მეგეზინიც წერს. მთელ ინტერნეტს ვირუსულად მოედო ჩეთრულეტში გადაღებული ვიდეოები, სკრინშოტები და სხვადასხვა prank-ები.

სულ რაღაც 40 წუთია რაც ეს საიტი ვიპოვე და ვერ ვწყდები საოცრად ჩამთრევი რამეა. ნამდვილად ვერ ვიფიქრებდი, თუ ჩემნაირ „სტაჟიან“ იუზერზე ამხელა ეფექტს მოახდენდა ახალი საიტი :)) ვუერთდები ბევრის მოსაზრებას და თავს ვდებ, რომ YouTube-ის შემდეგ ასეთი გასართობი პროექტი მსოფლიო ინტერნეტს არ ღირსებია :))

მოკლედ, სიტყვებით მაინც შეუძლებელია ახსნა. ახლავე ჩართეთ ვებკამერა და შეუერთდით ჩეთრულეტის არმიას ამჟამად ხაზზე 24 ათასზე მეტი მომხმარებელია! და ამ ხალხში იგულისხმება ყველაზე არანორმალური, ავადმყოფი ან ყველაზე სასაცილო და მხიარული ადამიანებიც